تٷركييادا 27 ميلليوننان استام ادام ۆاكتسينالاندى, ولاردىڭ 12 ميلليونى ۆاكتسينانىڭ ەكٸنشٸ دوزاسىن الدى. سونداي-اق, ەلدە تٷرٸك ۆاكتسيناسىن ٶندٸرۋ بويىنشا جۇمىستار جالعاسۋدا. بۇل تۋرالى تٷركييا پرەزيدەنتٸ رەجەپ تاييپ ەردوعان دەنساۋلىق ساقتاۋ بويىنشا جاھاندىق سامميت قاتىسۋشىلارىنا جولداعان بەينەٷندەۋٸندە مەلٸم ەتتٸ, دەپ حابارلايدى انادولى اگەنتتٸگٸ.
«بٸز مٷمكٸندٸگٸنشە ٶزٸمٸزدە بار ۆاكتسينالاردى باسقا ەلدەرمەن بٶلٸسۋگە تىرىستىق. تٷرٸك ۆاكتسيناسى دايىن بولا سالىسىمەن بٸز ونى ٶز ازاماتتارىمىزعا عانا ەمەس, بٷكٸل ادامزاتقا ۇسىنامىز», - دەدٸ تٷركييا پرەزيدەنتٸ.
ەردوعان ددسۇ-عا مٷشە ەل سول ۇيىم ماقۇلداعان ۆاكتسينانى قابىلدامايتىن جاعدايدىڭ ەشقانداي تٷسٸندٸرمەسٸ جوق دەپ مەلٸمدەدٸ.
«ٷلكەن جيىرمالىق» (G20) ەلدەرٸ اراسىندا دەنساۋلىق ساقتاۋ سالاسىنداعى وزىق جەتٸستٸكتەرمەن الماسۋ بويىنشا دەرەكتەر بازاسىن قۇرۋ الداعى داعدارىستارعا قارسى شارالار قابىلداۋدى جەڭٸلدەتەدٸ», - دەدٸ ول.
ەردوعاننىڭ ايتۋىنشا, گيگيەنا مەن دەنساۋلىقتى قورعاۋدىڭ بارلىق قاجەتتٸ ەرەجەلەرٸن ساقتاۋ ارقىلى حالىقارالىق تۋريزم مەن ساياحاتتى قالپىنا كەلتٸرۋ كەرەك.
