Beisenbi kúni Túrkiia túrik jáne shetel azamattarynyń elge kirip-shyǵýyna ruqsat berdi, - dep habarlaidy Anadoly agenttigi.
Mundai sheshim el prezidenti Redjep Taiyp Erdoǵan basshylyǵymen ótken Ministrler kabineti otyrysynan keiin qabyldandy.
Áýe tasymaly densaýlyq saqtaý, syrtqy ister jáne kólik ministrlikterimen birlesip úilestiriledi. Túrkiiaǵa kelgen túrik jáne shetel azamattary meditsinalyq tekseristen ótedi. Jańa jarlyq eldiń barlyq provintsiialaryna jiberildi.
Eske sala keteiik, 11 maýsymdaǵy jaǵdai boiynsha Túrkiiada koronavirýs infektsiiasynyń 987 jańa deregi tirkelgen. 1021 naýqas saýyǵyp shyqsa, 17-si virýstan kóz jumǵan.
Amerikalyq Djons Hopkins ýniversitetiniń málimetinshe, álemde 459 500-den astam adam koronavirýs pandemiiasynan qaitys bolǵan. Koronavirýstyń rastalǵan jaǵdailarynyń sany - 7,72 mln.
