Túrkiia prezidenti Rejep Taiyp Erdoǵan syrtqy ister ministrligine on Batys memleketiniń elshisin qaitarýdy buiyrdy. Olardyń qatarynda AQSh, Germaniia jáne Frantsiia elshileri de bar. Bul týraly Daily Sabath basylymy habarlady, dep jazady Azattyq.
Munyń aldynda diplomattar memlekettik tóńkeris jasaýǵa talpynys jasady dep kúdikke ilingen túrik filantropy Osman Kavalany bosatýdy talap etken. Erdoǵannyń bul sheshimine olardyń osy qadamy túrtki bolǵan.
Stambýl prokýratýrasy Kavalany 2016 jylǵy shildedegi memlekettik tóńkeris talpynysyna qatysy bar dep aiyptaidy. Bul aiyp oǵan ózge bir isten aqtalyp shyqqan kezde birden taǵylǵan. Ol is boiynsha Kavala 2013 jyly Stambýlda ótken jappai narazylyqta úkimetti tóńkerýge áreket jasady dep aiyptalǵan.
Osy aptanyń basynda AQSh, Germaniia, Frantsiia, Niderland, Kanada, Jańa Zelandiia, Daniia, Norvegiia, Finliandiia jáne Shvetsiia elshileri Kavalany bosatýǵa shaqyrǵan.
Túrkiia – NATO múshesi jáne Eýroodaq quramyna kirýge úmitti. Osyǵan qaramastan atalǵan elderdiń elshileri "non-grata" tulǵa bolyp jariialanbaq. Beisenbi, 21 qazan kúni Erdoǵan diplomattar Ankaraǵa óz aýmaǵynda ne isteý keregi aitý qaqy joq dep málimdedi. "Sender kim edińder?" dedi ol sol kúni.
