Daýǵa sebep Ystambuldyń burynǵy bas prokýrory Akyn Giýrlektiń Ádilet ministri qyzmetine taǵaiyndalýy boldy, dep habarlaidy Ult.kz.
Giýrlek buǵan deiin birqatar oppozitsiialyq saiasatkerlerge qatysty, sonyń ishinde Ystanbuldyń eks-meri Ekrem Imamoǵlynyń qamaýǵa alynýymen aiaqtalǵan rezonansty tergeýlerdi júrgizgen. Sondyqtan onyń taǵaiyndalýy oppozitsiia tarapynan qatań qarsylyq týǵyzdy.
Ant berý rásimi aldynda oppozitsiialyq Respýblikalyq halyq partiiasynyń depýtattary parlament minberin qorshap aldy. Vitse-spiker Giýrlekti ant berýge shaqyrǵan sátte bileýshi Ádilet jáne damý partiiasy depýtattary men oppozitsiia arasynda jappai qaqtyǵys bastaldy. Sonyń saldarynan otyrys on minýtqa úziliske toqtatyldy. Tóbeles kezinde CHP depýtaty Mahmýt Tanaldyń murny qanap ketti.
Úzilisten keiin Giýrlek AKP depýtattarynyń qalyń qorshaýynda ant qabyldady. Oppozitsiia ókilderi ony ysqyryp qarsy aldy. Artynsha jańa Ishki ister ministri Mustafa Chiftchi de ant berdi. Eki ministr de zaldan eshqandai pikir bildirmesten shyǵyp ketti.
