Túrkiia Qazaqstanǵa taǵy da kómek kórsetpek. Bul joly baýyrlas túrik halqy Qazaqstanǵa meditsinalyq quraldar jibermek, dep habarlaidy "Ult aqparat".
«Qadirli otandastarymyz jáne baýyrlas Qazaqstan halqy! Koronavirýs indetine bailanysty bastan keship jatqan osy qiyn-qystaý kezeńde Túrkiia dos ári baýyrlas Qazaqstannyń janynda ekenin jetkizgimiz keledi. Túrkiia Respýblikasy Úkimeti men Qazaqstan Respýblikasy Úkimeti arasynda qol qoiylǵan Ózara túsinistik memorandýmy aiasynda, tómende tizimi kórsetilgen meditsinalyq quraldar Qazaqstan Respýblikasyna qaitarymsyz negizde tartý etiledi»,-delingen habarlamada.
Meditsinalyq quraldardyń ishinde:
· 30 dana jasandy tynys alý apparaty
· 50 000 dana «N95» betperdesi
· 100 000 dana meditsinalyq betperde
· 35 000 dana qorǵanysh kostiými
· 2 000 dana bet qorǵaýshy maskalar
· 2 dana PTR taldaýyna arnalǵan jabdyq
· 30 000 dana SARS-CoV-2 (2019-nCov) RT-qPCR laboratoriialyq taldaý synaýyǵy
· 30 000 dana virýstyq nýklein qyshqylyn oqshaýlaý synaýyǵy
· 10 000 qorap gidroksiohlorokin dárisi.
«Elimizdiń baýyrlas Qazaqstan halqymen yntymaqtastyq rýhy aiasynda, buǵan deiin de Túrkiiadan Qazaqstanǵa ártúrli meditsinalyq quraldardan turatyn kómek paketi jetkizilgen bolatyn. Qurmetimizdi bildiremiz», - deidi túrkiialyqtar.
