Túrkiia Iraktyń soltústiginde jańa antiterrorlyq operatsiia bastady, dep habarlaidy Anadoly agenttigi.
Júrgizilip jatqan túrik operatsiiasy Iraktaǵy Sindjar, Karadjak, Kandil, Zap, Avashin-Basian jáne Hakýrk aýdandaryndaǵy Kúrdistannyń jumysshylar partiiasy (PKK – Kurdistan Workers' Party) lańkesteriniń nysandaryna soqqy beredi.
Komandalyq ortalyqta Túrkiia Qarýly Kúshteri Bas shtabynyń basshylary, atap aitqanda general Iashar Giýler, Qurlyq áskerleriniń qolbasshysy general Úmit Diýndar, Áskeri áýe kúshteriniń qolbasshysy general Hasan Kiýchiýkakiýz jáne Áskeri-teńiz kúshteriniń qolbasshysy admiral Adnan Ozbal bar.
Túrkiianyń Qorǵanys ministrligi buǵan deiin Iraktyń soltústiginde túrik qarýly kúshteri ornalasqan jerde shabýyldar men arandatýlar sanynyń kóbeiýine jaýap retinde taǵy bir operatsiia bastalǵany týraly jariialady.
Túrkiia Prezident Redjep Taiip Erdoǵan 1984 jyldan bastap 2020 jyldyń naýryzyna deiin osy Kúrdistan jumysshylar partiiasynan Túrkiianyń qaýipsizdik kúshteriniń 7500 qyzmetkeri men 6800 beibit turǵyn qaza bolǵanyn málimdedi.
AQSh pen Eýropalyq Odaq RKK-ny terroristik uiymdardyń tizimine engizgen.
Ankaranyń jaǵdaidy sheshýge tyrysqanyna qaramastan, PKK terroristik uiymy 2015 jyldyń shildesinen bastap qarýly shabýyldardy qaita bastady.
Siriiada PYD jáne YPG degen ataýdy jamylǵan Kúrdistannyń jumysshylar partiiasy (PKK – Kurdistan Workers' Party) terroristeri sońǵy eki jylda ózderin «Siriia demokratiialyq kúshteri» dep ataidy.
