Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Ekonomika jáne biznes

Túrkiia investorlary Qazaqstanda kúkirt betonitin óndirmek

Ult portaly
Túrkiia investorlary Qazaqstanda kúkirt betonitin óndirmek


Túrkiia investorlary Qazaqstanda himiia ónerkásibi salasyndaǵy jobany júzege asyrýǵa daiyn. Bul týraly QR Syrtqy ister ministrligi habarlady.

Himiia ónerkásibindegi jobany iske asyrý perspektivalary «Kazakh Invest» UK» AQ uiymdastyrǵan túrik investorlarynyń Qazaqstanǵa sapary barysynda talqylandy. Qyzmettik issapar aiasynda «BRIMSTONE Sulphur Provider Company» kompaniiasynyń negizin qalaýshy Efe Mýnip Nýrdogdý «Kazakh Invest» Basqarma tóraǵasy Meiirjan Iýsýpovpen kezdesti. 

Investordyń aitýynsha, joba Qazaqstannyń batys óńirleriniń birinde kúkirt betonitin óndirýdi kózdeidi. Jobaǵa salynǵan investitsiialardyń jalpy somasy shamamen 10 mln dollardy quraityny josparlanýda. 50-ge jýyq jańa turaqty jumys orny qurylmaq. Jobany iske asyrý biylǵy jyl sońynda bastalmaq. 

Sondai-aq investor atalmysh salanyń negizgi artyqshylyqtary men jobanyń eksporttyq áleýeti týraly aityp ótti. 
«Qazaqstanda kúkirttiń jetkilikti qory bar. Alaida, biz úshin de, jalpy el úshin de shikizatty tereń óńdeýdi uiymdastyrý, daiyn ónimdi kúkirt bentoniti túrinde shyǵarý jáne eksporttaý áldeqaida oryndy. Logistikalyq turǵydan alǵanda, Qazaqstan bul jobany júzege asyrý úshin óte yńǵaily investitsiialyq alań. Biz bul elde jyldam damyp kele jatqan naryq salalaryna shyǵýdyń úlken áleýetin kórip otyrmyz. Sonyń ishinde bizdi Qytai, Eýropa jáne Resei naryqtary qyzyqtyrady»,- dep atap ótti Efe Mýnip Nýrdogdý. 

Óz kezeginde «Kazakh Invest» Basqarma tóraǵasy Meiirjan Iýsýpov investitsiialarǵa memleket tarapynan kórstetiletin qoldaý sharalary, jeńildikter men preferentsiialardyń keń spektri týraly egjei-tegjeili baiandap berdi. 

Aita ketý kerek, sapar aiasynda túrik kompaniiasy «QazMunaiGaz «UK» AQ-men, sondai-aq munai óndirýshi «NCOC», «Teńizshevroil», «KPO» syndy iri kompaniialar ókilderimen shikizatpen qamtamasyz etý máselesine qatysty birqatar kelissóz júrgizbek. 

«Brimstone» kompaniiasy 2017 jyly Izmir qalasynda qurylǵan. Zaýyttyń óndiristik qýaty aiyna 6 000 tonna. «Brimstone» qyzmetiniń negizgi baǵyty kúkirt jáne ilespe ónimder bolyp tabylady.

Oqi otyryńyz