Túrkiia men Resei prezidentteri Sochide Siriiadaǵy jaǵdaida talqylady. «Maqsatymyz – Siriiadaǵy uzaqmerzimdi turaqtylyqqa qol jetkizý», - dep málim etti Túrkiia prezidenti Rejep Taiyp Erdoǵan reseilik áriptesi Vladimir Pýtinmen Bacharov rýchei rezidentsiiasynda ótkizgen alty saǵattyq kelissózderdiń nátijesi boiynsha. Bul jóninde Túrkiianyń «Anadolý» agenttigi habarlady.
R.Erdoǵan sońǵy 8,5 jylda Túrkiia siriialyq 3 mln 650 myń bosqynǵa pana bolǵanyn jáne olardyń 350 myńy – etnikalyq kúrdter ekenin eske túsirdi. Sondai-aq, ol Túrkiia men Resei Siriiada birigip áreket etip, siriialyq bosqyndardyń óz otandaryna qaitýyn jeńildetetin jobalardy júzege asyratynyn málim etti.
Túrkiia basshysy 23 qazan kúni tús ýaqytynan bastap YPG lańkesterin qarýlarymen birge túrik shekarasynan 30 shaqyrym jerge yǵystyrý qamtamasyz etiletinin atap ótti. Bul jumystar 150 saǵattyń ishinde iske asyrylmaq.
TASS agenttiginiń málimetinshe, Resei Túrkiia men Siriia arasyndaǵy shekara rejimi boiynsha Adana kelisimin júzege asyrýǵa qol ushyn sozatyn bolady. «Qos tarap Adana kelisiminiń mańyzyn rastaidy. Resei Federatsiiasy Adana kelisiminiń zamanaýi túrde júzege asyrylýyna járdemdesedi», - delingen qujatta.
Pýtin men Erdoǵannyń Sochidegi kelissózderi alty saǵattan astam ýaqytqa jalǵasty.
