Qonaev qalasyndaǵy Qapshaǵai sý qoimasynda jelkendi sporttan jasóspirimder arasynda Qazaqstan Respýblikasynyń chempionaty aiaqtaldy.
Jelkendi qaiyqshylar arasynda ótken el chempionatyna óńir namysyn Túrkistan oblysynyń namysyn oblystyq sý sport túrlerinen olimpiada rezervin daiyndaityn mamandandyrylǵan balalar men jasóspirimder sport mektebiniń shákirtteri qorǵady. Olar iahtalardyń ártúrli dárejeleri boiynsha 6 altyn, 3 kúmis jáne 2 qola medalǵa qol jetkizdi.
Juptyq synda Rastislav Dýbovskoi men Bogdan Rojanskii altynnan alqa taqsa, jekelei synda Zańǵar Ábdirahman da jeńistiń shyńyn baǵyndyrdy. Al, qyzdar arasyndaǵy jekelei synda Svetlana Chýrikova altyn alqany moinyna ildi.
«Kadetter» saiysynda Alisher Chemohov pen Anatolii Chýrikov jeńis tuǵyrynyń eń biiginen kórindi. Qorytyndyda medaldar jiyntyǵy boiynsha Túrkistan oblysynyń sportshylary jalpykomandalyq birinshi oryndy ielendi. Ekinshi orynǵa Almaty oblysynyń komandasy shyqsa, qola júldeni Qonaev qalasynyń jelkenshileri mise tutty.
