Túrkistan oblysynyń PD Kriminaldyq politsiia basqarmasy men Ulttyq qaýipsizdik komiteti departamentiniń qyzmetkerleri jedel-izdestirý is-sharalaryn júrgizdi. Shara barysynda Sozaq aýdanynda eki turǵynnyń úiinen zańsyz saqtalǵan oq-dáriler men qarýlardy tárkiledi, dep habarlaidy QazAqparat.
PD baspasóz qyzmetiniń málimetinshe, turǵyndardyń biriniń úiinen tirkelmegen «AK-47» markaly avtomat pen 8 dana oq-dári tabylǵan. Eki dana tir jáne 16 kalibrli eki uńǵyly ańshy myltyǵy saqtaǵany anyqtaldy. Sondai-aq, elektro tok taratqysh qurylǵy men 2 dana 16 kalibrli atylǵan oq gilzasy tárkilendi. Al, ekinshi kúdikti úiinde oq dáriler jasyryp qoiǵan bolyp shyqty.
«Qazirgi tańda atalǵan jait QR QK-niń 287-baby 3-bóligi «qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý« boiynsha sotqa deiingi tergeý amaldary júrgizilýde. Saraptamalar taǵaiyndaldy. Kúdiktilerdiń biri qamaýǵa alyndy. Politseiler oqiǵanyń barlyq mán-jaiyn jáne kúdiktiniń qandai maqsatta qarý ustaǵanyn anyqtaýda» delingen habarlamada.
