Túrkistan oblysy, Tólebi aýdany, Lengir qalasyndaǵy «Jastyq» stadionynda Tólebi aýdanynyń 90 jyldyq mereitoiyna orai, Túrkistan oblysyna qarasty imamdar men meshit qyzmetkerleri arasynda kishi fýtboldan oblystyq týrnir ótýde. Dostyq kezdesýge oblysqa qarasty 17 qala, aýdannan din sala qyzmetkerlerinen quralǵan komandalar qatysyp jatyr.
Túrkistan oblysyna qarasty imamdary men meshit qyzmetkerleri arasynda kishi fýtboldan jarysty toqsan saiyn ótkizý josparlanyp, bul jarys kezek rettiligine orai Tólebi aýdanynda uiymdastyryldy. Týrnirdiń ashylý saltanatyna aýdan ákiminiń orynbasary Serjan Dúisebaev, Túrkistan oblysynyń bas imamy Erkebulan Qaraqulov qatysyp, saiysqa qatysýshylarǵa sáttilik tiledi.
«Búgingi qoǵamda salýatty ómir saltyn ustaný – basty qaǵidalardyń biri. Halyq arasyndaǵy aýyzbirshilik, yntymaq, birlikti saqtaýǵa negiz bolǵan Islam dinin ýaǵyzdaýshylar – imamdar, meshit qyzmetkerleri. Meshit – birlik pen izgiliktiń, imandylyq pen baýyrmashyldyqtyń bastaýy ǵana emes, halqymyzdyń rýhani bailyǵyn molaitatyn qasietti oryn. Din salasynyń qyzmetkerleriniń salaýatty ómir saltyn ustanyp ǵana qoimai, ony nasihattaý maqsatynda fýtboldan týrnir uiymdastyrýy – qýantarlyq jaǵdai. Salaýatty ómir salty – bul durys tamaqtaný, dene shynyqtyrý, jaman ádetterden bas tartý arqyly densaýlyqty jaqsartýǵa jáne saqtaýǵa baǵyttalǵan adam ómiriniń tujyrymdamasy. Aýdan turǵyndarynyń sportpen turaqty túrde shuǵyldanýyna yqpal maqsatynda qazirdiń ózinde 371 sporttyq nysan jumys isteidi», – dedi quttyqtaý sózinde Serjan Daýylbaiuly.
Jeńimpaz atanǵan komandalar marapattalady. Saiys barysynda jaqsy oiyn úlgisin kórsetken birqatar úzdik oiynshylar jeke-jeke marapattan qur qalmaidy. Týrnirge qatysýshylarǵa kásipker Begaly Rysbekov arnaiy dastarhan jaiyp, quran baǵyshtaldy.
Aýdanda fýtbol oiynyn damytý maqsatynda sport infraqurylymdaryn salý josparlanýda. Bul baǵytta Birinshi Mamyr aýylynan zamanaýi úlgidegi sporttyq saýyqtyrý kesheniniń qurylysy bastaldy. Shalǵai eldi mekenderde demeýshiler jáne memleket esebinen ashyq sport alańdaryn salý arqyly sportpen shuǵyldanýshylar sanyn 2025 jylǵa deiin 45 paiyzǵa ósirý josparlanyp otyr.
