تٷركٸستان وبلىسى, تٶلەبي اۋدانى, لەنگٸر قالاسىنداعى «جاستىق» ستاديونىندا تٶلەبي اۋدانىنىڭ 90 جىلدىق مەرەيتويىنا وراي, تٷركٸستان وبلىسىنا قاراستى يمامدار مەن مەشٸت قىزمەتكەرلەرٸ اراسىندا كٸشٸ فۋتبولدان وبلىستىق تۋرنير ٶتۋدە. دوستىق كەزدەسۋگە وبلىسقا قاراستى 17 قالا, اۋداننان دٸن سالا قىزمەتكەرلەرٸنەن قۇرالعان كوماندالار قاتىسىپ جاتىر.
تٷركٸستان وبلىسىنا قاراستى يمامدارى مەن مەشٸت قىزمەتكەرلەرٸ اراسىندا كٸشٸ فۋتبولدان جارىستى توقسان سايىن ٶتكٸزۋ جوسپارلانىپ, بۇل جارىس كەزەك رەتتٸلٸگٸنە وراي تٶلەبي اۋدانىندا ۇيىمداستىرىلدى. تۋرنيردٸڭ اشىلۋ سالتاناتىنا اۋدان ەكٸمٸنٸڭ ورىنباسارى سەرجان دٷيسەباەۆ, تٷركٸستان وبلىسىنىڭ باس يمامى ەركەبۇلان قاراقۇلوۆ قاتىسىپ, سايىسقا قاتىسۋشىلارعا سەتتٸلٸك تٸلەدٸ.
«بٷگٸنگٸ قوعامدا سالۋاتتى ٶمٸر سالتىن ۇستانۋ – باستى قاعيدالاردىڭ بٸرٸ. حالىق اراسىنداعى اۋىزبٸرشٸلٸك, ىنتىماق, بٸرلٸكتٸ ساقتاۋعا نەگٸز بولعان يسلام دٸنٸن ۋاعىزداۋشىلار – يمامدار, مەشٸت قىزمەتكەرلەرٸ. مەشٸت – بٸرلٸك پەن ٸزگٸلٸكتٸڭ, يماندىلىق پەن باۋىرماشىلدىقتىڭ باستاۋى عانا ەمەس, حالقىمىزدىڭ رۋحاني بايلىعىن مولايتاتىن قاسيەتتٸ ورىن. دٸن سالاسىنىڭ قىزمەتكەرلەرٸنٸڭ سالاۋاتتى ٶمٸر سالتىن ۇستانىپ عانا قويماي, ونى ناسيحاتتاۋ ماقساتىندا فۋتبولدان تۋرنير ۇيىمداستىرۋى – قۋانتارلىق جاعداي. سالاۋاتتى ٶمٸر سالتى – بۇل دۇرىس تاماقتانۋ, دەنە شىنىقتىرۋ, جامان ەدەتتەردەن باس تارتۋ ارقىلى دەنساۋلىقتى جاقسارتۋعا جەنە ساقتاۋعا باعىتتالعان ادام ٶمٸرٸنٸڭ تۇجىرىمداماسى. اۋدان تۇرعىندارىنىڭ سپورتپەن تۇراقتى تٷردە شۇعىلدانۋىنا ىقپال ماقساتىندا قازٸردٸڭ ٶزٸندە 371 سپورتتىق نىسان جۇمىس ٸستەيدٸ», – دەدٸ قۇتتىقتاۋ سٶزٸندە سەرجان داۋىلبايۇلى.
جەڭٸمپاز اتانعان كوماندالار ماراپاتتالادى. سايىس بارىسىندا جاقسى ويىن ٷلگٸسٸن كٶرسەتكەن بٸرقاتار ٷزدٸك ويىنشىلار جەكە-جەكە ماراپاتتان قۇر قالمايدى. تۋرنيرگە قاتىسۋشىلارعا كەسٸپكەر بەگالى رىسبەكوۆ ارنايى داستارحان جايىپ, قۇران باعىشتالدى.
اۋداندا فۋتبول ويىنىن دامىتۋ ماقساتىندا سپورت ينفراقۇرىلىمدارىن سالۋ جوسپارلانۋدا. بۇل باعىتتا بٸرٸنشٸ مامىر اۋىلىنان زاماناۋي ٷلگٸدەگٸ سپورتتىق ساۋىقتىرۋ كەشەنٸنٸڭ قۇرىلىسى باستالدى. شالعاي ەلدٸ مەكەندەردە دەمەۋشٸلەر جەنە مەملەكەت ەسەبٸنەن اشىق سپورت الاڭدارىن سالۋ ارقىلى سپورتپەن شۇعىلدانۋشىلار سانىن 2025 جىلعا دەيٸن 45 پايىزعا ٶسٸرۋ جوسپارلانىپ وتىر.
