Túrkistan oblysynda mal urlyǵymen turaqty túrde ainalysyp kelgen erli-zaiyptylar ustaldy, dep habarlaidy "Ult aqparat".
Oblystyq Politsiia departamentiniń málimetinshe, erli-zaiyptylar eki ai boiy óńirdiń 5 aýdanynda jaiylymdaǵy maldardy urlap kelgen.
«Ordabasy aýdandyq politsiia bólimshesine jergilikti turǵyn aryzdanyp, tamyz aiynda belgisiz tulǵalar jaiylymdyq jerden 1 bas buzaýyn urlap ketkenin aitty. Atalǵan jait sotqa deiingi tergep-tekserýdiń biryńǵai tizilimine engizilip, QR QK-niń 188-baby («Urlyq») boiynsha tirkeldi. Dál osyndai aryzben politseilerge taǵy birneshe jábirlenýshi shaǵymdandy», - dedi politsiiadan.
Mal urylaryn ustaý jáne qylmysty ashý maqsatynda oblystyq PD-nyń tájiribeli politseilerinen jedel-tergeý toby quryldy.
«Tártip saqshylary jaqyn aimaqtardy qarap, kýágerlerden surastyryp, mal satý oryndary men mal tasymaldaýshy avtokólikterdi tekserip, basqa da qajetti is-sharalardy júrgizdi. Nátijesinde, jedel ýákilder er adam men áieldi kúdikti retinde ustady. Olar Shymkent qalasynyń turǵyndary jáne erli-zaiypty bolyp shyqty», - delingen aqparatta.
Anyqtalǵandai, olar Ordabasy, Qazyǵurt, Sairam, Túlkibas jáne Báidibek aýdandaryndaǵy jaiylymdarda adamdardyń bolmaýyn paidalanyp, maldardy urlap otyrǵan. Olardyń 10-nan astam qylmysqa qatysy bar bolyp shyqty.
Sondai-aq urlanǵan maldardy satyp alýshy Shymkent qalasynyń turǵyny ustaldy. Ol da zań aldynda jaýapqa tartylatyn bolady.
