Aqtaý qalasynda ótip jatqan dziýdodan el chempionatynda Túrkistan oblysynyń balýany Didar Hamza 90 kelige deiingi salmaqta altyn medalge ie boldy. Bul - Túrkistan oblysy qurylǵaly alǵashqy altyn júlde bolyp otyr, dep habarlaidy "Ult aqparat".
Elishilik saiysta respýblikamyz boiynsha kileń myqty balýandar baq synaýda.
Buryn 81 kelide baq synaǵan Didar jańa salmaqta jeńiske jetip otyr.
Túrkistan oblysynyń dziýdo kúresinen aǵa jattyqtyrýshysy Serik Qultaevtyń aitýynsha, erler men áielder 7 salmaq boiynsha beldesip jatyr.
Ár oblys, qalanyń bapkerleri Qazaqstan chempionatyna eń úzdik degen shákirtterin alyp kelgen.
Boz kilemde beldesip jatqan áielder arasynda Túrkistan oblysynyń balýany 70 keli salmaqta óner kórsetetin Perizat Jaqypbekova kúmis júldeger atandy.
Sonymen qatar, 81 kelidegi jas balýan Nuriddin Eralhan qola júldeger atansa, Moldash Kerimbek úzdik bestikke engen.
