Nur-Sultanda dziýdodan Aziia chempionaty aiaqtaldy. 90 kelide óner kórsetken Qazaqstan sportshysy, Túrkistan óreni Didar Hamza qola medal úshin ótken beldesýde BAÁ-niń dziýdoshysy Aram Grigoriannan basym túsip, el quramasynyń qorjynyna kezekti júldeni saldy, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Dziýdoshylar arasynda ótken Aziia chempionatynda Qazaqstan quramasy jekelei saiysyn bir altyn, eki kúmis jáne bes qola júldemen jalpy medal kestesinde tórtinshi orynmen aiaqtady. Elordada tórindegi saiysqa 17 elden balýandar qatysty.
Qazaqstan qorjynyndaǵy altyn medal 73 kelide synǵa túsken Daniiar Shamshaevqa tiesili. Eresekter arasynda Aziia chempionatyna alǵash qatysqan ol jarys barysynda qarsylas shaq keltirmedi. Finalǵa deiin tórt kezdesý ótkizip, tórteýin bir minýtqa jetkizbei, taza jeńispen aiaqtady.
Abiba Abýjaqynova (48 keli) men Islam Bozbaev (100 keli) kúmispen kúptelse, Maǵjan Shamshadin (60 keli), Ǵusman Qyrǵyzbaev (66 keli), Didar Hamza (90 keli), Nurlyhan Sharhan (100 keli) jáne Arýna Jangeldina (78 keli) el qorjynyn qola medaldarmen tolyqtyrdy.
