Túrkistan oblystyq máslihatynyń jáne barlyq aýdandyq, qalalyq máslihattardyń depýtattary sý tasqyny bolǵan aimaqqa 30 tonnalyq gýmanitarlyq kómek jóneltti. «Nur Otan» partiiasynyń «Biz birgemiz» respýblikalyq aktsiiasy aiasynda maqtaaraldyq turǵyndarǵa 7 birdei júk kóligine tielgen azyq-túlik joldady, dep habarlaidy "Ult aqparat".
Atalǵan qaiyrymdylyq sharasyn uiymdastyrýǵa Túrkistan oblystyq máslihatynyń hatshysy Qairat Balabievtiń ózi uiytqy bolǵan.
Atalǵan kerýendi shyǵaryp salý sharasyna oblys ákimi Ómirzaq Shókeev arnaiy qatysyp, osyndai qysyltaiań ýaqytta maqtaaraldyqtarǵa kómek qolyn sozǵan azamattarǵa alǵysyn bildirdi. Aimaq basshysy sondai-aq búgingi tańda Maqtaaral aýdanynda tasqyn sýdyń betin qaitarý boiynsha atqarylyp jatqan jumystar barysyn baiandady.
«Apat aityp kelmeidi. Maqtaaral aýdanynda dál qazirgi ýaqytta qaýiptiń beti qaita bastady. Atalǵan aýdanda myńǵa jýyq maman jumys istep jatyr. 3,5 myńnan astam turǵyn evakýatsiia oryndaryna jaiǵastyrylǵan. Olarǵa biz barlyq tiisti kómekterdi kórsetýimiz qajet. Osy rette eldiń sonyń ishinde depýtattardyń osyndai bastama kóterip, halyqqa bolysýy kóńil qýantady. Eń bastysy – halyqqa sabyr men tózimdilik qajet. Aldaǵy ýaqytta tasqyn sýdan kelgen shyǵyndar tolyq eseptelip, jańa úiler boi kóterip, joldar jóndelip qalypty ómir bastalatynyna senimdimiz», – dedi Ómirzaq Shókeev.
Aita keteiik, jalpy sommasy 21 mln teńge bolatyn kerýeninde azyq-túlik taýarlarynan bólek, kiim-keshek, jeke bas gigienasyna arnalǵan taýarlar bar. Iaǵni, kerýende 11,7 tonna un, 2,9 tonna kúrish, 3,6 tonna qant, 2,8 tonna makaron, 1,5 tonna et, 900 keli jýyq sút ónimderi, 2,8 tonna kartop, 1,7 tonna piiaz, 1,3 tonna sábiz jáne taǵy basqa da azyq-túlik ónimderi tielgen. Atalǵan kerýen túsaýa Maqtaaral aýdany Atakent kentinde ornalasqan arnaiy qoimaǵa kelip jetedi dep kútilýde.
