Túrkistan oblysynyń Arys qalasynda «Ulystyń uly kúni - áz-Naýryz» atty shara aiasynda aqjaýlyqty ájeler sporttyń 5 túrinen saiysqa tústi, dep habarlaidy "Ult aqparat".
Arys qalasy men shaharǵa qarasty aýyldyq okrýgterden kelgen ájeler voleibol, arqan tartý, qol kúresi, doiby men shekem tas oiyndary boiynsha baqtaryn synady. Jarysty baqylaýǵa qalalyq ardagerler uiymy men úkimettik emes uiym ókilderi, BAQ ókilderi qatysty.
Túrkistan oblysynyń Óńirlik kommýnikatsiialar qyzmetinen málim etkendei, voleiboldan Arys qalasynyń «Aq ájeler» komandasy eshkimge des bermei, 1-oryndy alsa, 2-oryn Aqdala aýyldyq okrýginiń «Aipara Ana» komandasyna, 3-oryn Montaitastyq «Úkilim-ai» ájeler komandasyna buiyrdy.
Arqan tartý saiysynan Montaitastan kelgen ájelerge eshkim teń kelgen joq. Atalǵan saiysta Arys qalasynyń ájeleri 2-oryndy, al «Aqdala ájeleri» 3-oryndy ielendi.
Ulttyq oiyn – shekem tastan 1-oryndy arystyq Shahapova Madina, 2-oryndy Aqdala aýyldyq orkýginen kelgen Átishova Ajar, 3-oryndy baiyrqumdyq Máýlenova Ultýar aldy.
Sonymen qatar, qol kúresi baiqaýynan 1-oryn Qarabasova Aiymkózge (Arys qalasy) buiyrsa, 2-oryn Talasova Bibaishaǵa (Jideli) tabystaldy. 3-oryn Qarynbaeva Kúláshqa (Aqdala) berildi.
Al doiby oiynynan Arys qalasynan Musalieva Arafa apanyń mereii ústem bolsa, aqdalalyq Kiizbaeva Indira apa júldeli ekinshi oryndy qanjyǵasyna bailady. Úshinshi oryn Montaitas aýylynyń namysyn qorǵaǵan Ryskúl Amanbekova apaǵa buiyrdy.
Jarysqa qatysýshylar is-sharany joǵary deńgeide ótkizgen uiymdastyrýshylarǵa rizashylyqtaryn bildirip, aq batalaryn berdi. Saiys nátijesi boiynsha jeńimpazdarǵa medaldar men kýboktar jáne arnaiy alǵys hattar tabystaldy.
