تٷركٸستان وبلىسىنىڭ ارىس قالاسىندا «ۇلىستىڭ ۇلى كٷنٸ - ەز-ناۋرىز» اتتى شارا اياسىندا اقجاۋلىقتى ەجەلەر سپورتتىڭ 5 تٷرٸنەن سايىسقا تٷستٸ, دەپ حابارلايدى "ۇلت اقپارات".
ارىس قالاسى مەن شاھارعا قاراستى اۋىلدىق وكرۋگتەردەن كەلگەن ەجەلەر ۆولەيبول, ارقان تارتۋ, قول كٷرەسٸ, دويبى مەن شەكەم تاس ويىندارى بويىنشا باقتارىن سىنادى. جارىستى باقىلاۋعا قالالىق ارداگەرلەر ۇيىمى مەن ٷكٸمەتتٸك ەمەس ۇيىم ٶكٸلدەرٸ, باق ٶكٸلدەرٸ قاتىستى.
تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸنەن مەلٸم ەتكەندەي, ۆولەيبولدان ارىس قالاسىنىڭ «اق ەجەلەر» كومانداسى ەشكٸمگە دەس بەرمەي, 1-ورىندى السا, 2-ورىن اقدالا اۋىلدىق وكرۋگٸنٸڭ «ايپارا انا» كومانداسىنا, 3-ورىن مونتايتاستىق «ٷكٸلٸم-اي» ەجەلەر كومانداسىنا بۇيىردى.
ارقان تارتۋ سايىسىنان مونتايتاستان كەلگەن ەجەلەرگە ەشكٸم تەڭ كەلگەن جوق. اتالعان سايىستا ارىس قالاسىنىڭ ەجەلەرٸ 2-ورىندى, ال «اقدالا ەجەلەرٸ» 3-ورىندى يەلەندٸ.
ۇلتتىق ويىن – شەكەم تاستان 1-ورىندى ارىستىق شاحاپوۆا مادينا, 2-ورىندى اقدالا اۋىلدىق وركۋگٸنەن كەلگەن ەتيشوۆا اجار, 3-ورىندى بايىرقۇمدىق مەۋلەنوۆا ۇلتۋار الدى.
سونىمەن قاتار, قول كٷرەسٸ بايقاۋىنان 1-ورىن قاراباسوۆا ايىمكٶزگە (ارىس قالاسى) بۇيىرسا, 2-ورىن تالاسوۆا بيبايشاعا (جيدەلٸ) تابىستالدى. 3-ورىن قارىنباەۆا كٷلەشقا (اقدالا) بەرٸلدٸ.
ال دويبى ويىنىنان ارىس قالاسىنان مۇساليەۆا ارافا اپانىڭ مەرەيٸ ٷستەم بولسا, اقدالالىق كيٸزباەۆا ينديرا اپا جٷلدەلٸ ەكٸنشٸ ورىندى قانجىعاسىنا بايلادى. ٷشٸنشٸ ورىن مونتايتاس اۋىلىنىڭ نامىسىن قورعاعان رىسكٷل امانبەكوۆا اپاعا بۇيىردى.
جارىسقا قاتىسۋشىلار ٸس-شارانى جوعارى دەڭگەيدە ٶتكٸزگەن ۇيىمداستىرۋشىلارعا ريزاشىلىقتارىن بٸلدٸرٸپ, اق باتالارىن بەردٸ. سايىس نەتيجەسٸ بويىنشا جەڭٸمپازدارعا مەدالدار مەن كۋبوكتار جەنە ارنايى العىس حاتتار تابىستالدى.
