Túrkistandy tórtinshi megapoliske ainaldyrý máselesi josparlanyp otyrǵan joq. Bul týraly ortalyq kommýnikatsiialar qyzmetinde ótken brifingide oblys ákimi Ómirzaq Shókeev aitty, dep habarlaidy QazAqparat.
Biyl Túrkistan oblysynyń qurylǵanyna 4 jyl toldy. Ákimniń aitýynsha, osy qysqa ýaqyt ishinde óńirdiń áleýmettik-ekonomikalyq damýy jaqsaryp, barlyq salada ósim saqtalǵan.
«Osy tórt jylda oblystyń áleýmettik-ekonomikalyq damýynyń oń úrdisi aiqyn ańǵaryldy. Atap aitqanda, jalpy óńirlik ónim kólemi 1,6 ese artyp, 2,8 trln teńgege jetti. Ónerkásip ónim kólemi 707,8 mlrd, aýyl sharýashylyǵy 906,5 mlrd teńgege jetti. Oblys biýdjetiniń kólemi 1,7 esege artyp, 970,3 mlrd teńge boldy. Atqarylǵan júieli jumystardyń nátijesinde biylǵy 5 aida oń ósim saqtaldy. Túrkistandy tórtinshi megapoliske ainaldyrý josparda joq», – dedi Ómirzaq Shókeev.
Aita keteiik, búginde Túrkistan qalasynda halyq sany 200 myńnan asty. Al, oblysta 2 mln artyq adam turady.
