تٷركٸستاندى تٶرتٸنشٸ مەگاپوليسكە اينالدىرۋ مەسەلەسٸ جوسپارلانىپ وتىرعان جوق. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگٸدە وبلىس ەكٸمٸ ٶمٸرزاق شٶكەەۆ ايتتى, دەپ حابارلايدى قازاقپارات.
بيىل تٷركٸستان وبلىسىنىڭ قۇرىلعانىنا 4 جىل تولدى. ەكٸمنٸڭ ايتۋىنشا, وسى قىسقا ۋاقىت ٸشٸندە ٶڭٸردٸڭ ەلەۋمەتتٸك-ەكونوميكالىق دامۋى جاقسارىپ, بارلىق سالادا ٶسٸم ساقتالعان.
«وسى تٶرت جىلدا وبلىستىڭ ەلەۋمەتتٸك-ەكونوميكالىق دامۋىنىڭ وڭ ٷردٸسٸ ايقىن اڭعارىلدى. اتاپ ايتقاندا, جالپى ٶڭٸرلٸك ٶنٸم كٶلەمٸ 1,6 ەسە ارتىپ, 2,8 ترلن تەڭگەگە جەتتٸ. ٶنەركەسٸپ ٶنٸم كٶلەمٸ 707,8 ملرد, اۋىل شارۋاشىلىعى 906,5 ملرد تەڭگەگە جەتتٸ. وبلىس بيۋدجەتٸنٸڭ كٶلەمٸ 1,7 ەسەگە ارتىپ, 970,3 ملرد تەڭگە بولدى. اتقارىلعان جٷيەلٸ جۇمىستاردىڭ نەتيجەسٸندە بيىلعى 5 ايدا وڭ ٶسٸم ساقتالدى. تٷركٸستاندى تٶرتٸنشٸ مەگاپوليسكە اينالدىرۋ جوسپاردا جوق», – دەدٸ ٶمٸرزاق شٶكەەۆ.
ايتا كەتەيٸك, بٷگٸندە تٷركٸستان قالاسىندا حالىق سانى 200 مىڭنان استى. ال, وبلىستا 2 ملن ارتىق ادام تۇرادى.
