Túrkistan oblysynyń ákimi Janseiit Túimebaev túrkiialyq «ERA» kompaniiasynyń ókilderimen kezdesti. Qos uiymnyń basshysy Berksan Býiýkiyldyz Túrkistan qalasyndaǵy boi kóteretin ǵimarattardyń sáýlettik jobalaryn ázirlep, sondai-aq Túrkistan oblysyndaǵy indýstrialdy aimaqtardy damytýǵa nietti ekendigin jetkizdi, dep habarlaidy "Ult aqparat".
Atalǵan uiym álemde innovatsiialyq sáýlettik jobalarmen tanylǵan. 1972 jyly qurylǵan kompaniia Parij, Ystambul, Beijiń men Máskeý syndy qalalarda jumys isteidi. «Orteksan» uiymynyń enshiles múshesi sanalatyn «ERA» kompaniiasy indýstrialdy aimaqtardyń damýymen shuǵyldanady. Sheteldik kompaniia usynystaryn tyńdaǵan oblys basshysy óńirde investorlar men kásipkerler arnalǵan qoldaýlarmen tanystyrdy.
«Qazirgi tańda oblysta investitsiialyq klimat qalyptasqan. Kásipkerlikti damytý baǵytynda qajetti júie, qoldaý bar. Onyń ústine Túrkistan oblysynda 2 millionǵa jýyq halyq turady. Túrkistan qalasy - halyqaralyq magistral jolynda ornalasqan ekonomikalyq tiimdi aimaq. Jańa qalanyń qurylysy kezeńinde sizdermen áriptestik tanytýǵa daiynbyz. Túrkistannyń sáýlettik kelbeti zamanaýi, ozyq bolýyna birlesip úles qosýymyz kerek», - dedi Janseiit Túimebaev.
Aldaǵy ýaqytta qos tarap Túrkistan oblysy men óńir ortalyǵyndaǵy indýstrialdy aimaq men ǵimarattardyń sáýlettik jobasy aiasynda áriptestik ornatpaq.
