Túrkistandaǵy oiyn-saýyq oryndary men 40-qa tarta dámhana túngi saǵat 23.00-den keiin jumysyn toqtatýy tiis. Qala ákimi Álipbek Óserbaev jeke kásipkerler men ýchaskelik politseilerdiń qatysýymen ótken jiynda osylai dep tapsyrdy, dep habarlaidy "Ult aqparat".
«Ótken jyldyń qorytyndysy boiynsha, qaladaǵy qoǵamdyq oryndarda 451 qylmys deregi tirkelgen. Onyń ishinde, kóshedegi 219 qylmystyń túngi mezgilde, mas azamattardyń qatysýymen bolǵany anyqtalyp otyr. Ózgeniń tynyshtyǵyn buzýǵa, kedergi keltirýge eshkimniń quqyǵy joq. Sondyqtan osy máseleni retke keltirý kerek. Mysaly «Edem» kafesinde aǵashtan jasalǵan eki qabatty jazdyq oryn bar. Ol syr berip, adam shyǵynyna ákelmesine kim kepil», - dedi Álipbek Sháripbekuly.
Qala basshysy tiisti sala mamandaryna kafelerdiń qujattarynyń zańdylyǵyn tekserýdi qatań tapsyrdy. Sonymen birge, zań talaptaryna baǵynǵysy kelmeitin kásipkerlerge zań aiasynda shara qoldanylatynyn atap ótti.
Májiliste atalǵan qoǵamdyq másele tóńireginde qalalyq kásipkerlik bóliminiń basshysy G.Dahanova jaqyn kúnderi jergilikti politsiia qyzmetiniń ýchaskelik inspektorlarymen birlesken is-shara ótkizý josparlanyp otyrǵandyǵyn aitty. Al, jergilikti politsiia qyzmetiniń bastyǵy, politsiia maiory B.Iankin kafelerdegi spirttik ishimdikterdiń litsenziiasy bar-joǵyn, kámelet jasyna tolmaǵandarǵa satylmaýyn qadaǵalaý boiynsha tekserý jumystary júrgiziletinin jetkizdi.
