Túrkistan oblysynda bir otbasynyń 5 múshesiniń gazdan ýlanyp kóz jumý oqiǵasyna qatysty, kúdikti ustaldy. Bul týraly Politsiia departamenti habarlady.
Politsiia qyzmetkerleri bolǵan oqiǵanyń aýyrlyǵy men qoǵamdyq rezonans týdyrýyna bailanysty jedel-tergeý sharalaryn atqardy. Onyń ishinde saraptamalar taǵaiyndalyp, kýágerlerden jaýaptar alynyp, qajetti degen barlyq jumystar júrgizildi.
«Ýly gazdan bir otbasynyń bes birdei múshesi qaza bolyp, bizdiń oblysta úlken rezonans týdyrdy. Búgingi tańda bul qylmysty jasady degen kúdiktilerdiń biri Túrkistan qalasynyń turǵyny ustaldy. Ol gaz ornatý firmalarynyń birinde direktor. Tiianaqty júrgizilgen tergeý jumystarynyń aiasynda onyń iske qatysy bar ekeni dáleldendi. Biz kúdiktiler sanynyń artýyn joqqa shyǵarmaimyz. Sondyqtan tergeý jalǵasady», - dep atap ótti TO Politsiia departamenti Tergeý basqarmasynyń bastyǵy Nurmahan Jalǵasov.
Esterińizge sala keteiik, aqpan aiynyń sońynda Túrkistan qalasyndaǵy jer úilerdiń birinde bes adam, iaǵni áiel men onyń tórt balasy qaza tapqan. Oqiǵa bailanysty arnaiy komissiia quryldy. Tergeý barysyn Túrkistan oblysynyń ákimi Ómirzaq Shókeev jeke baqylaýyna aldy. Oqiǵaǵa qatysty qylmystyq is qozǵaldy.
