تٷركٸستان وبلىسىندا بٸر وتباسىنىڭ 5 مٷشەسٸنٸڭ گازدان ۋلانىپ كٶز جۇمۋ وقيعاسىنا قاتىستى, كٷدٸكتٸ ۇستالدى. بۇل تۋرالى پوليتسييا دەپارتامەنتٸ حابارلادى.
پوليتسييا قىزمەتكەرلەرٸ بولعان وقيعانىڭ اۋىرلىعى مەن قوعامدىق رەزونانس تۋدىرۋىنا بايلانىستى جەدەل-تەرگەۋ شارالارىن اتقاردى. ونىڭ ٸشٸندە ساراپتامالار تاعايىندالىپ, كۋەگەرلەردەن جاۋاپتار الىنىپ, قاجەتتٸ دەگەن بارلىق جۇمىستار جٷرگٸزٸلدٸ.
«ۋلى گازدان بٸر وتباسىنىڭ بەس بٸردەي مٷشەسٸ قازا بولىپ, بٸزدٸڭ وبلىستا ٷلكەن رەزونانس تۋدىردى. بٷگٸنگٸ تاڭدا بۇل قىلمىستى جاسادى دەگەن كٷدٸكتٸلەردٸڭ بٸرٸ تٷركٸستان قالاسىنىڭ تۇرعىنى ۇستالدى. ول گاز ورناتۋ فيرمالارىنىڭ بٸرٸندە ديرەكتور. تيياناقتى جٷرگٸزٸلگەن تەرگەۋ جۇمىستارىنىڭ اياسىندا ونىڭ ٸسكە قاتىسى بار ەكەنٸ دەلەلدەندٸ. بٸز كٷدٸكتٸلەر سانىنىڭ ارتۋىن جوققا شىعارمايمىز. سوندىقتان تەرگەۋ جالعاسادى», - دەپ اتاپ ٶتتٸ تو پوليتسييا دەپارتامەنتٸ تەرگەۋ باسقارماسىنىڭ باستىعى نۇرماحان جالعاسوۆ.
ەستەرٸڭٸزگە سالا كەتەيٸك, اقپان ايىنىڭ سوڭىندا تٷركٸستان قالاسىنداعى جەر ٷيلەردٸڭ بٸرٸندە بەس ادام, ياعني ەيەل مەن ونىڭ تٶرت بالاسى قازا تاپقان. وقيعا بايلانىستى ارنايى كوميسسييا قۇرىلدى. تەرگەۋ بارىسىن تٷركٸستان وبلىسىنىڭ ەكٸمٸ ٶمٸرزاق شٶكەەۆ جەكە باقىلاۋىنا الدى. وقيعاعا قاتىستى قىلمىستىق ٸس قوزعالدى.
