Túrkistanda ÝEFA-nyń halyqaralyq talaptaryna sai ortalyq stadion salynýda. Nysan qurylysyn «Samuryq-Qazyna» ulttyq ál-aýqat qory júrgizip jatyr. Stadion biyl mamyr aiynda paidalanýǵa beriledi, dep habarlaidy "Ult aqparat".
7000 adam syiatyn atshaptyrym stadionda 2 sport zaly, tabiǵi fýtbol alańy, ákimshilik bólmeler salynýda. Sport kesheni paidalanýǵa berilgen soń bul jerde fýtboldan Qazaqstan Respýblikasy chempionatynyń Premer-Liga, Birinshi jáne Ekinshi Liga komandalarynyń oiyndary ótedi dep josparlanǵan.
Budan basqa, mádeni-sporttyq is-sharalar, fýtbol, jeńil atletika, ústel tennisi, sadaq atýdan oblys quramasynyń oqý-jattyǵý jiyndary, oblystyq, respýblikalyq jáne halyqaralyq jarystar ótkizilmek.
Sonymen qatar Túrkistan oblysy sportynyń damýyna úles qosatyn «Jabyq basseini bar sport saraiynyń» qurylysy da qarqyndy júrip jatyr. Basseindi «Retroleum Operating» kompaniiasy salyp, el igiligine berýdi josparlap otyr.
Oblystyq dene shynyqtyrý jáne sport basqarmasynyń basshysy Polat Qyryqbaev salynyp jatqan álemdik deńgeidegi ortalyq stadion men jabyq basseinniń qurylysymen tanysyp qaitty. Zaman talabyna sai jabyq basseinde ulttyq qurama músheleri men oblys sportshylary jattyǵatyn bolady.
