Túrkistan oblysynda kóne túrki dáýirine qatysty tas músin tabyldy, dep habarlaidy "Ult aqparat" Qoja Ahmet Iasaýi atyndaǵy halyqaralyq qazaq-túrik ýniversitetiniń professory Muhtar Qojaǵa silteme jasap.
«Jaqyn arada Túrkistan oblysynyń kún qaqtaǵan dalasynda kóne túrki dáýiriniń músini jatyr degen habarmen Qoja Ahmet Iasaýi atyndaǵy Halyqaralyq Qazaq-Túrik ýniversitetiniń Arheologiia ǵylymi zertteý institýty qyzmetkerleri shuǵyl saparǵa shyǵyp kóne jádigerdi kórýge asyqty... Túrki dáýirine jatatyn tas músin beinesi erekshe eken. Bir qaraǵanda erekshe bas kiimi bar músin «kóne túrkilerdiń qudaiy - Umai anany, ne baiyrǵy baqsyny - dini qyzmetkerin beinelep tur mA» degen boljamdar aityp jatyrmyz. Zertteý jumystaryn júrgizip nátijesin jariialaimyz. Mundai eskertkishti jáne onyń bastapqyda tabylǵan jerin kórsetken azamatqa - Saparbek Asqarbekulyna erekshe rizamyz, alǵysymyzdy bildiremiz», - dep jazdy Muhtar Qoja Facebook -tegi paraqshasynda.
Onyń aitýynsha, eskertkishtiń negizgi bóligi tolyǵymen saqtalǵan.
