Búgin Óńirlik kommýnikatsiialar qyzmetinde mektep formasy boiynsha brifing ótti, dep habarlaidy «Ult aqparat» Túrkistan oblysynyń Óńirlik kommýnikatsiialar qyzmetine silteme jasap.
Baspasóz máslihatynda Túrkistan oblystyq adami áleýetti damytý basqarmasynyń basshysy Dinislam Bolathanuly mektep formasy kimderge beriletini týraly aitty.
«Jańa oqý jylyna áleýmettik osal toptaǵy otbasy balalaryn (52 myńnan astam) mektep formasymen jáne mektep quraldarymen qamtamasyz etý úshin oblystyq biýdjetten 1,9 mlrd teńge qarjy bólindi. Odan bólek, ystyq tamaq pen jazǵy demalysqa da qarjy qaraldy. Sondai-aq, kóp balaly, jetim jáne ata-ana qaraýynsyz qalǵan balalar da kómeksiz qalmaidy. Olar úshin arnaiy «Mektepke jol» qaiyrymdylyq aktsiiasy ótýde. Aktsiianyń 15 kúninde oblys boiynsha 778 balaǵa jalpy 19 mln 309 myń teńgege demeýshiler tarapynan materialdyq kómek berildi. Atap óter jait, aktsiia sheńberinde kóp balaly otbasylardyń barlyq balalaryna meilinshe kómek kórsetý kózdelip otyr», – dedi basqarma basshysy.
Dinislam Bolathanulynyń málimdeýinshe, 7 534 jetim jáne ata-anasynyń qamqorlyǵynsyz qalǵan balaǵa 265,7 mln teńge shilde aiynda bólingen. Al 45 126 balaǵa 1,6 mlrd teńge tamyz aiynda bólindi.
Sonymen qatar, oblystaǵy ekonomikalyq esepteýler boiynsha ár balaǵa mektep formasyna 35 275 teńgeden jáne mektepke kerekti quralmen qosa eseptegende jalpy 37 389 teńge beriledi.
Aita keteiik, mektep formasyna ótinish bala oqityn mekteptiń direktoryna óz sanatyn belgilei otyryp jazylady. Mektepte qurylatyn komissiianyń qaraýy negizinde aqsha balanyń ata-anasynyń esep shotyna aýdarylady.
Eske salsaq, «Mektepke jol» aktsiiasy 1 tamyzdan bastalyp, osy jyldyń 30 qyrkúiegine deiin jalǵasady. Al demeýshi bolýǵa nietti jandar Basqarmanyń +7(707)-684-71-00 bailanys telefonyna habarlasa alady.
