1 jeltoqsanda Túrkistandaǵy Hazret Sultan Airport halyqaralyq əýejaiynda alǵashqy reis ashylady, – dep habarlandy QR Mádeniet jáne sport ministrliginiń resmi saitynda.
Ashyq aspan rejiminde jumysyn bastap, geografiialyq aýqymyn keńeite túsetin əýejai birinshi bolyp otandyq FlyArystan loýkosteriniń Nur-Sultan – Túrkistan baǵytynda jolaýshylaryn qabyldaidy. Al 5 jeltoqsannan bastap Almaty qalasyna reister ushady.
Túrkistan - kúlli túrki əleminiń rýhani ortalyǵy, tarihi jəne qazirgi arhitektýra toǵysyp, úilesim tapqan mədeni fenomen. Búginde Mədeniet jəne sport ministrligi qalanyń mədeni jəne týrizm salasyndaǵy əleýetin arttyrýǵa baǵyttalǵan birqatar jobany júzege asyryp jatyr.
Túrkistan únemi týrister úshin qyzyq meken. Bul óńirde Qoja Ahmet Iassaýi, Esim han, Rabiǵa sultan begim, Arystan-bab kesenesi, Otyrar jəne Saýran qalasy syndy biregei nysandar bar. Sonymen qatar XVI - XVIII ǵasyr aralyǵynda Túrkistan astana bolǵanda bul jerde qazaq halqy tarihyndaǵy taǵdyrsheshti sheshimder qabyldanyp, handar sailaýy ótken.
2018 jyly 19 maýsymda QR-nyń Tuńǵysh Prezidenti Nursultan Nazarbaevtyń qaýlysymen Túrkistan oblysy quryldy. Osy arqyly Elbasy óńirdiń qarqyndy damýyna jańa serpin bergen edi.
Memleket basshysy Qasym-Jomart Toqaev Túrkistandaǵy tarihi-mádeni nysandardy saqtaý, qalaǵa jańa innovatsiialyq tehnologiialardy damytýdy únemi aityp keledi. Búginde qurylys jumysy qainaǵan qalada kórikti ǵimarattar qatary kóbeiip, tarihi kelbetpen úndestik taýyp jatyr. Qazir Túrkistanǵa tek otandastarymyz ǵana emes, shet elden de týrister kópten keledi.
«Túrkistan kún saiyn túrlenip, qurylys jumystary qarqyn alyp keledi. Osy rette tarihi-mədeni sipatqa basymdyq berip, kóptegen mədeniet, sport nysany salyndy, týrizm infraqurylymyna nazar aýdaryp jatyrmyz. 120 adamǵa arnalǵan Rixos Turkistan jańa qonaq úii, «Túrkistan-Arena» kóp fýnktsionaldy stadion men «Kongress-holl» kóp fýnktsionaldy kontsert zaly paidalanýǵa berildi. Kelesi jyly taǵy 120 adamǵa arnalǵan Hampton by Hilton qonaqúii men kóp fýnktsionaldy Kerýen-Sarai týristik keshen ashylady», - deidi Aqtoty Raiymqulova.
Məselen, endi ashylǵan «Túrkistan» sapar ortalyǵynda halyqaralyq standarttarǵa sáikes týrizm salasyna jaǵdai jasalýda. Arnaiy aqparat berý nysandarynan týrizm baǵdarlary jaily tolyq aqparat alýǵa, ekskýrsiiaǵa tapsyrys berýge, mýzei eksponattarymen tanysýǵa, jergilikti qolóner sheberleriniń týyndylaryn kórýge bolady. Týrister jii keletin jerdiń biri Qoja Ahmet Iassaýi kesenesi. Qazir kesene aýmaǵynda qolóner sheberleri, shyǵys bazary, dəstúrli taǵamdar daiyndaityn ashana, ulttyq oiyn jəne atqa miný alańy bar Etnoaýyldy atap ótýge bolady.
