«Biznestiń jol kartasy 2025» baǵdarlamasy arqyly jyl basynan beri túrkistan oblysynyń kásipkerleri 274 jobaǵa 9,6 mlrd teńge kóleminde nesie aldy. Óńir kásipkerlerine kórsetilip jatqan qoldaý kóp. Soǵan qol jetkizý joldaryn túsindirý úshin oblystyń qala, aýdandarynda seminar-keńester ótkizilýde. Bul týraly halyqpen kezdesý barysynda Túrkistan oblysynyń ákimi Ómirzaq Shókeev tapsyrma bergen bolatyn. Jeke kásipkerlerge arnalǵan nesieleý baǵdarlamalary arqyly, iaǵni jeńildetilgen nesie berý arqyly óńirde jańa jumys oryndary ashylýda, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Kásipkerlerdi qoldaýǵa qatysty memlekettik baǵdarlamalar óńirde sátti oryndalýda. Kásipkerler úshin tolyq qoljetimdi. «Qarapaiym zattar ekonomikasy» baǵdarlamasyn júzege asyrý boiynsha Túrkistan oblysy kósh bastap tur. «Biznestiń jol kartasy 2025» baǵdarlamasyn júzege asyrýda oblys alǵashqy úshtikten oryn alady.
Túrkistan oblysy kásipkerlik jáne saýda basqarmasynyń basshysy N.N.Imanqulovtyń uiytqy bolýymen ótken basqosý barysynda «DAMU» AQ-nyń TO boiynsha ókili N.Azizovtyń jáne «Halyk Bank» AQ-nyń TO boiynsha basshysynyń orynbasary A.Keldibaevtyń qatysýlarynda kásipkerlik taqyrybynda túitkildi máseleleri talqylandy.
Kásipkerlerge 6% ben jeńildetilgen nesie berý baǵdarlamalary, «Qarapaiym zattar ekonomikasy» jáne «Biznestiń jol kartasy 2025» baǵdarlamalarynyń qarjylandyrý sharttary týralyda tolyq aqparat berildi. Joldary kórsetildi.
Jeńildetilgen nesie kásip ashýǵa, kásipkerlikti damytýǵa beriledi. Ony alý, qujattardy daiyndaý úshin «Túrkistan» Kásipkerlerge qyzmet kórsetý ortalyǵy» mekemesi aqysyz negizde tolyq súiemeldeý jumystaryn júrgizedi.
