Foto: freepik.com
Áleýmettik jelide Túrkistan oblysy Otyrar aýdanynda atasy nemeresin zorlady degen aqparat tarady, dep habarlaidy Ult.kz.
Bul jaǵdaiǵa bailanysty Túrkistan oblysy politsiia departamenti resmi túsinikteme berdi.
Vedomstvo málimetinshe, balanyń anasy ulyna qatysty zorlyq bolýy múmkin ekenin aityp, aryzdanǵan. Osyǵan sáikes sotqa deiingi tergeý bastalǵan.
Alaida alǵashqy tekserý nátijesinde zańsyz áreketterdiń naqty belgileri anyqtalmaǵan. Sondai-aq balanyń denesinen eshqandai jaraqat tabylmaǵan.
Qazirgi ýaqytta barlyq mán-jaidy anyqtaý úshin qosymsha saraptamalar júrgizilip jatyr. Tergeý aiaqtalǵan soń, zańǵa sáikes sheshim qabyldanady.
Politsiia ókilderi istiń mán-jaiyna qatysty basqa aqparat tergeý múddesine bailanysty jariia etilmeitinin aityp, azamattardy tek resmi derekkózderge senýge shaqyrdy.
