Túrkistan qalasynda er adam áielin pyshaqtap óltirip, keiin ózine qol jumsamaq bolǵan. Qaiǵyly oqiǵany alǵash bolyp erli-zaiyptylardyń kenje uly kórgen, dep habarlaidy ult.kz.
Kórshileriniń aitýynsha, jas jigit anasynyń daýysyn estip, bólmege kirgende áieldiń aýyr jaraqat alǵanyn baiqaǵan. Ol dereý jedel járdem shaqyrǵan. Alaida 54 jastaǵy áiel dárigerlerdiń kómegine qaramastan, jansaqtaý bóliminde kóz jumǵan.
«Kishkentai balasy “apa, men keshigip qaldym” deidi. Uiyqtap jatqan eken. Mamamnyń daýsyn estip shyqsam, qan atqylap jatyr deidi», – dedi marqumnyń kórshisi Gúlnar Saparova.
Kórshilerdiń sózinshe, erli-zaiyptynyń otasqanyna 25 jyl bolǵan. Olar tórt bala tárbielep ósirgen. Áiel ómir boiy úi sharýasymen ainalysqan.
Marqumnyń joldasy ózinen 13 jas úlken bolǵan. Bul er adamnyń ekinshi nekesi ekeni aitylady. Kórshileri otbasy syrt kózge tatý bolǵanyn, erli-zaiyptylardan buǵan deiin qandai da bir keleńsiz áreket baiqamaǵanyn jetkizdi.
Aldyn ala málimet boiynsha, janjal kezinde er adam áielin pyshaqpen jaralaǵan. Odan keiin ózi de denesine pyshaq suǵyp, ózine qol jumsamaq bolǵan. Er adam aýrýhanaǵa jetkizilgen.
