تٷركٸستان قالاسىندا ەر ادام ەيەلٸن پىشاقتاپ ٶلتٸرٸپ, كەيٸن ٶزٸنە قول جۇمساماق بولعان. قايعىلى وقيعانى العاش بولىپ ەرلٸ-زايىپتىلاردىڭ كەنجە ۇلى كٶرگەن, دەپ حابارلايدى ult.kz.
كٶرشٸلەرٸنٸڭ ايتۋىنشا, جاس جٸگٸت اناسىنىڭ داۋىسىن ەستٸپ, بٶلمەگە كٸرگەندە ەيەلدٸڭ اۋىر جاراقات العانىن بايقاعان. ول دەرەۋ جەدەل جەردەم شاقىرعان. الايدا 54 جاستاعى ەيەل دەرٸگەرلەردٸڭ كٶمەگٸنە قاراماستان, جانساقتاۋ بٶلٸمٸندە كٶز جۇمعان.
«كٸشكەنتاي بالاسى “اپا, مەن كەشٸگٸپ قالدىم” دەيدٸ. ۇيىقتاپ جاتقان ەكەن. مامامنىڭ داۋسىن ەستٸپ شىقسام, قان اتقىلاپ جاتىر دەيدٸ», – دەدٸ مارقۇمنىڭ كٶرشٸسٸ گٷلنار ساپاروۆا.
كٶرشٸلەردٸڭ سٶزٸنشە, ەرلٸ-زايىپتىنىڭ وتاسقانىنا 25 جىل بولعان. ولار تٶرت بالا تەربيەلەپ ٶسٸرگەن. ەيەل ٶمٸر بويى ٷي شارۋاسىمەن اينالىسقان.
مارقۇمنىڭ جولداسى ٶزٸنەن 13 جاس ٷلكەن بولعان. بۇل ەر ادامنىڭ ەكٸنشٸ نەكەسٸ ەكەنٸ ايتىلادى. كٶرشٸلەرٸ وتباسى سىرت كٶزگە تاتۋ بولعانىن, ەرلٸ-زايىپتىلاردان بۇعان دەيٸن قانداي دا بٸر كەلەڭسٸز ەرەكەت بايقاماعانىن جەتكٸزدٸ.
الدىن الا مەلٸمەت بويىنشا, جانجال كەزٸندە ەر ادام ەيەلٸن پىشاقپەن جارالاعان. ودان كەيٸن ٶزٸ دە دەنەسٸنە پىشاق سۇعىپ, ٶزٸنە قول جۇمساماق بولعان. ەر ادام اۋرۋحاناعا جەتكٸزٸلگەن.
