Túrkistan oblysynda bir otbasynyń eki balasy sýǵa batyp kóz jumdy. Qaiǵyly oqiǵa Eńbekshi aýylyndaǵy Oshaqty sýarý kanalynda bolǵan, dep habarlaidy ult.kz.
Sputnik Qazaqstan port alynyń jazýynsha, 2013 jáne 2018 jyly týǵan aǵaiyndy Iýsýfahmet pen Dias 31 mamyr kúni iz-túzsiz joǵalyp ketken. Balalardy izdeý jumystary táýlik boiy júrgizildi.
Marqumdardyń anasy Aigúl Tamashevanyń aitýynsha, oqiǵa bolǵan kúni ol tańǵy saǵat beste jumysqa ketken. Keiin qyzy habarlasyp, qaiǵyly jaǵdaidy jetkizgen.
«Saǵat tórt jarym shamasynda qyzym habarlasyp, "mama, Dias batyp ketipti" dedi. Alǵashynda bir ǵana balam dep oiladym. Keiin úlken ulymnyń da sýǵa ketkenin bildim. Ol inisin qutqarmaq bolǵan shyǵar. Bul kanaldy jaýyp tastasa eken. Meniń áli bes balam bar, olar da sol mańǵa barady», – deidi anasy.
Oblystyq tótenshe jaǵdailar departamentiniń málimetinshe, balalar oiyn kezinde eresekterdiń qaraýynsyz qalyp, kanalǵa qulap ketken. Qatty aǵys olardy aǵyzyp áketken.
Izdestirý jumystary barysynda 31 mamyr kúni 2018 jyly týǵan balanyń denesi tabyldy. Al bir kúnnen keiin 2013 jyly týǵan aǵasynyń máiiti sýdan shyǵaryldy.
Qaiǵyly oqiǵaǵa bailanysty turǵyndar qaýipti kanaldardyń qaýipsizdigin kúsheitý máselesin kóterip otyr.
