Túrkistan oblysy, Maqtaaral aýdanynyń 21 jastaǵy turǵyny koronavirýs infektsiiasynyń simptomsyz túrimen dárigerler baqylaýynda bolǵan. Jetisai aýdandyq ortalyq aýrýhanaǵa júktiligine qarai jaǵdaiy kúrt nasharlap jetkizilgen. Dárigerler ana men bala ómirine de qaýip tóngenin aitady. Der kezinde jasalǵan shuǵyl meditsinalyq kómektiń arqasynda júkti áiel salmaǵy 3,2 keli deni saý ul balany dúniege ákeldi.
«Kelinshektiń bul tuńǵysh sábii. Esepke alynyp, úi jaǵdaiynda baqylaýda turatyn kelinshektiń jaǵdaiyna qarai áreket jasap, aman-esen bosandyryp aldyq. Qazirde sábidiń de, anasynyń da jaǵdaiy qanaǵattanarlyq», - deidi «Jetisai» aýdandyq aýrýhanasy perzenthana bóliminiń meńgerýshisi Ainagúl Ámireeva.
Álemdik deńgeide qaýip tóndirip, adamzat balasynyń aldyn oraǵan aýrýǵa bailanysty jariialanǵan tótenshe jaǵdai men karantindik rejimge qaramastan dárigerlerdiń kásibiliginiń nátijesinde jyl basynan beri Jetisai aýdandyq perzenthanasynda 2800 sábi dúniege kelgen. Olardyń 50-i egiz bolsa, 400-ge jýyǵy ota arqyly týylǵan. Búginde barlyǵynyń densaýlyǵy jaqsy.
Túrkistan: Jetisai aýdanynda COVID-19 indetine shaldyqqan júkti áiel deni saý bala bosandy
