QR Ekologiia, geologiia jáne tabiǵi resýrstar ministri Serikqali Brekeshev biylǵy qysta jazyq óńirlerde ylǵal qory kópjyldyq normadan tómen qalyptasqanyn aitty, dep habarlaidy QazAqparat.
«Birinshi aqpandaǵy jaǵdai boiynsha birneshe oblysta qar jamylǵysynyń ylǵal qory ortasha kóp jyldyq mánderden joǵary bolýy baiqalýda», - ministr.
Atap aitsaq, Aqmola oblysyndaǵy Sileti ózeniniń basseininde 25 paiyzǵa deiin, Qostanai oblysyndaǵy Torǵai jáne Qaratorǵai ózenderiniń basseinderinde 12 jáne 57 paiyz paiyzǵa deiin, Batys Qazaqstan oblysyndaǵy Shejin-2 jáne Ýtva ózenderiniń basseinderinde 22 paiyzǵa deiin artyp otyr.
Alaida, vedomstvo basshysynyń aitýynsha, jazyq aýmaqtyń basym bóliginde ylǵal qory ortasha kóp jyldyq mánderden tómen.
«Eldiń taýly aýmaqtarynda qardyń qory boiynsha jaǵdai mynadai. Shyǵysta Buqtyrma jáne Shúlbi sý qoimalary aimaǵynda qar qorynyń deńgeii ortasha kóp jyldyq mánnen 22% paiyzǵa deiin joǵary. Tarbaǵataidyń ońtústik-batys jaǵynda kóp jyldyq ortasha mánnen 38% paiyzǵa tómen. Ertis ózeniniń sol jaq aǵyndarynda ortasha kóp jyldyq mánder sheginde.
Túrkistan, Jambyl jáne Almaty oblystarynyń taýlaryndaǵy qar qorynyń deńgeii ortasha kóp jyldyq mánnen tómen. Shyǵys jáne ońtústik óńirlerdegi taý ózenderiniń basseinderinde sý tasqyny jańbyr túrinde jaýyn-shashyn kóp túsken jaǵdaida qalyptasatynyn atap ótý qajet.», -dedi Serikqali Brekeshev.
