Túrkistan oblysy Jetisai aýdanynda koronavirýs juqtyrǵan 10 adam anyqtaldy. Osyǵan qarai aýdanda karantin engizilip,saqtyq sharalary kúsheitildi, dep habarlaidy Túrkistan oblysynyń Óńirlik kommýnikatsiialar qyzmeti.
Eki birdei aýyl qorshaýǵa alynyp, derttiń taralmaýyna barynsha kúsh salynyp jatyr. Osy tótenshe jaǵdaidy eskergen Qurban ata aýylynyń turǵyndary jaman indettiń aldyn alý jáne qoǵamdyq tártipti saqtaý maqsatynda óz aýyldarynyń kireberis qaqpasyna blokpost ornatty.
«Bundai jaǵdaiǵa el bolyp aqyldasyp kelip otyrmyz. Eldiń árbir adamynyń ómiri qymbat. Onyń ústine aýylymyz Jetisai qalasyna jaqyn ornalasqandyqtan aýylǵa kelimdi-ketimdi adamdar kóp. Sonyń barlyǵyn eskere kele osyndai qadamǵa baryp otyrmyz deidi»,- aýyl turǵyny Dosym Ahmetov.
Búginde atalmysh aýylda 300-den astam úide 2793 adam turady. Qazirgi tańda aýylǵa tirshilikti qamtamasyz etý maqsatynda kirip-shyǵatyn kólikter tirkeýge alynyp, túgeldei dezinfektsiiadan ótkizilýde.
