Jezqazǵan qalasynda baidarka men kanoeda esý sportynan jastar jáne eresekter arasyndaǵy Qazaqstan chempionaty ótti. Dúbirli synǵa 12 óńirden 130-ǵa jýyq sportshy qatysty. Sportshylar 1000, 500, 200 jáne 5000 metr qashyqtyqta synǵa tústi. Qazaqstan Respýblikasynyń jekelei jáne komandalyq chempionatynda Túrkistan oblysynyń sportshylary komandalyq esepte birinshi orynǵa ie boldy.
Sý sporty túrlerinen Túrkistan oblysynyń ORMBJSM sportshylary alǵashqy kúnnen chempionattyń basty favoritteri boldy. Jerlesterimiz ár túrli baǵdarlamalarda 19 altyn, 12 kúmis jáne 9 qola júldege ie boldy. Jeńimpazdarǵa toqtalsaq, N.Sergeeva K-1; 1000 m, K-1; 500 m, K-1; 200 m, K-1; 5000 m qashyqtyqtary boiynsha 4 altyn medaldi oljalady. Sonymen qatar K.Semenikinamen juptasyp eskek esýde de top jardy. Chempionatta B.Ramatýlla, V.Pankratov, K.Semenikina, E.Tiýtiýkina, T.Álihanov, D.Bahradin, D.Korytkina, D.Ergashhanova da altynnan alqa taqty. Komandalyq ekinshi oryn Shymkent sportshylaryna buiyrsa, úshtikti elordalyqtar qorytyndylady.
Túrkistan oblysynyń úzdik eskek esýshileri O.Kovaleva, E.Keńesov, S.Sergeev, E.Siniavskaia syndy bapkerlerdiń basshylyǵymen Aziia Kýbogyna daiyndyqty bastap ketti. Bul jarys 29 qyrkúiek pen 2 qazan aralyǵynda Japoniiada ótedi.
