Túrkistan oblysynyń ákimi Ómirzaq Shókeevtiń túrkistandyqtarmen erkin kezdesý barysynda árkim ózin tolǵandyrǵan máseleni kótere aldy. Oblys ákimi turǵyndar kótergen máselelerdiń nazardan tys qalmaitynyn aitty, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Halyqtyń tarapynan túsken saýaldardyń kóbi áleýmettik salalarǵa, qoǵamdyq kólik, zańdastyrý, jol men káriz júielerine qatysty boldy. Atap aitqanda, múgedekterdi tasymaldaý boiynsha áleýmettik qyzmetterdi kórsetýge arnalǵan avtomobil, iaǵni invataksi sanyn kóbeitý máselesi kóterdi. Qala aýmaǵynda 7 avtokólik tasymaldaidy. Jyl sońyna deiin olardyń sany artatyn boldy.
Kezdesýde qalanyń kei aýdandardaǵy internet jelisiniń sapasynyń tómendigi aityldy. Qosymsha jańa bazalyq stantsiialar salý qajettiligi týyndaǵanyn aitqan oblys ákimi el arasynda paida bolǵan «radiofobiiadan» arylýǵa shaqyrdy. Iaǵni, turǵyndardyń bazalyq stantsiialardyń adam densaýlyǵyna ziian ekenin aityp, aryzdanýy tusaý bolatynyn jetkizdi. Qaladaǵy qondyrǵylardy tolyq tekserilip, internet sapasyn anyqtap, aiyppul salatyn arnaiy óńirlik bailanys inspektsiiasy jumys jasaidy. Túrkistandyqtar tarapynan Túrkistanǵa jańa balalar aýrýhasy qajettiligi jaily aityldy. Másele keler jyldyń enshisine qaldy. Josparda bar 190 orynǵa arnalǵan aýrýhana qurylysy kelesi jyly bastalatyn bolady.
«Jergilikti bilik azamattardyń múddesi úshin jumys isteýi tiis. El Prezidentiniń «Halyq únine qulaq asatyn memleket» tujyrymdamasynyń basty qaǵidaty da osy. Bizdiń basty mindetimiz – memlekettik organdardyń halyqpen ózara bailanysty nyǵaitý. Biz ári qarai da kúsh-jigerimizdi biriktirip, eńbek etsek áli talai jetistikke birge qol jetkizemiz», – dedi oblys ákimi Ómirzaq Shókeev.
Aita keteiik, oblys ákimi Ómirzaq Shókeevtiń Túrkistan qalasynda biyl osymen ekinshi ret esep berý kezdesýin ótkizip jatyr. Budan bólek oblys ákiminiń orynbasarlary men barlyq basqarma da eseptik jiynǵa qatysýda. Shamamen eki saǵatqa sozylǵan jiynǵa 500-den astam adam keldi. 50-ge tarta suraq qoiylyp, ózekti máseleler kóterildi. Oblys ákimi turǵyndardy jeke máseleleri boiynsha bólek qabyldady. Ákimniń halyqpen kezdesýi jalǵasady.
