Túrkistanda sý basqan Nurlyjol, Yrysty, Jańaturmys, Firdoýsi, Órgebas jáne Jantaqsai aýyldarynan 1 mln m3 sý soryldy. Bul týrady TJK habarlaidy.
Aýyldarda jalpy uzyndyǵy 21 shaqyrymdyq ýaqytsha dambylar turǵyzyldy. Sondai-aq, 85 myń qap tóselip, sýdy aǵyzý úshin 3 kollektor ornatyldy.
Túrkistan, Jambyl, Qyzylorda oblystary, Shymkent qalasy, Apattar meditsina ortalyǵy, Politsiia bólimi, Ulttyq gvardiia, Qorǵanys ministrligi, jergilikti atqarýshy organdar, Ózbekstan Respýblikasy Tótenshe jaǵdailar ministrliginiń kúshteri men aktivterinen quralǵan 1574 adam, 280 tehnika, 15 júzý quraldary, 160 motosorǵysh táýlik boiy jumysyn jalǵastyrýda. Jumystarǵa uiymdar men eriktiler de tartyldy.
37 qyzmetkerden jáne 34 tehnikadan, júzý quraldarynan, motosorǵylarynan turatyn Nur-Sultan qalasynyń jáne Qaraǵandy oblysynyń tótenshe jaǵdailarynyń qosymsha kúshteri men quraldary jiberildi.
Sý basqan 5 eldi meken aýmaǵynda halyqtyń jeke zattaryn, qujattary men múlkin evakýatsiialaý, úi janýarlaryn qutqarý jáne patrýldeý jumystary jalǵasýda.
Qoǵamdyq tártipti qamtamasyz etý úshin Jańaturmys, Firdoýsi, Órgebas, Jantaqsai aýyldarynda 4 blokpost qoiyldy.
