Jyl basynan beri Túrkistan oblysyndaǵy qurylys jumystarynyń kólemi 150 mlrd. teńgege jýyqtady, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Paidalanýǵa berilgen turǵyn úidiń jalpy alańy 365,8 myń sharshy metr nemese jospardan 61,6 myń sharshy metrge artyq atqarylǵan. Onyń ishinde halyq qarjysyna salynǵany 272,4 myń sharshy metrdi nemese ótken jyldyń sáikes kezeńine 101,5% bolyp qalyptasty. Óńirdiń áleýmettik-ekonomikalyq damýy Túrkistan oblysynyń ákimi Ómirzaq Shókeevtiń tóraǵalyǵymen ótken aptalyq apparat otyrysynda baiandaldy.
I toqsannyń qorytyndysy boiynsha Túrkistan oblysyndaǵy jalpy óńirlik ónim 656,6 mlrd. teńgege jetti. Jyl sońyna deiingi meje 3,3 trln. teńge quraidy dep kútilýde. Ónerkásip óniminiń kólemi jospardan artyq oryndalyp, 460,6 mlrd. teńgeni 101,4% qurady. Aýyl sharýashylyǵynyń jalpy ónim kólemi jospardan 27,2 mlrd. teńgege artyq oryndalyp, 338,9 mlrd. teńgeni qurady.
Oblystyq strategiia jáne ekonomikalyq damý basqarmasynyń basshysy Qanat Qaiypbektiń málimdeýinshe, jyl basynan beri investitsiia kólemi 299,3 mlrd. teńgege jetti. Jalpy saýda kólemi 181,1 mlrd. teńgeni, nemese ótken jyldyń sáikes kezeńine 107,8 % qurady. Tasylǵan júk kólemi 55 mln. tn. jetip, ótken jylǵy sáikes kezeńge 101,4%-dy qurady (QR – 98,2%, 5 oryn). Bailanys qyzmetiniń kólemi 4,3 mlrd. teńgeni, nemese ósim +8,8% qurady (QR – 106,5%, 3 oryn). Oblystyń negizgi áleýmettik-ekonomikalyq damý máselesi turaqty baqylaýda.
