26 tamyz kúni saǵat 05:58-de Túlkibas aýdanyndaǵy Mashat aýylynan 4 shaqyrym jerde, «Almaty-Tashkent-Termez» respýblikalyq mańyzy bar kúre jolynda iri kólik apaty boldy, dep habarlaidy "Ult aqparat" Otyrar.kz saityna silteme jasap.
«Almaty-Saryaǵash» baǵytymen kele jatqan «Yutong» markaly jolaýshylar avtobýsynyń júrgizýshisi kólikti basqara almai, joldyń jiegine shyǵyp, janymen qulaǵan. Avtobýs salonynda 34 adam, sonyń ishinde jeti bala bolǵan.
Kólik janarmaiy tógilgen joq. Jol-kólik apaty saldarynan, saǵat 07:35-tegi jaǵdai boiynsha, Sairam aýdanynyń ortalyq aýdandyq aýrýhanasyna 17 adam jetkizildi, sonyń ishinde 6 adam aýrýhanaǵa jatqyzyldy, sonyń ishinde ekeýi – aýyr jaǵdaida, arasynda balalar joq. Qalǵandary tekserilgen soń úilerine jiberildi. Qaza tapqandar joq.
Oqiǵa ornyna TJD, politsiia jáne jedel meditsinalyq járdem brigadasynyń qyzmetkerleri bardy.
