26 تامىز كٷنٸ ساعات 05:58-دە تٷلكٸباس اۋدانىنداعى ماشات اۋىلىنان 4 شاقىرىم جەردە, «الماتى-تاشكەنت-تەرمەز» رەسپۋبليكالىق ماڭىزى بار كٷرە جولىندا ٸرٸ كٶلٸك اپاتى بولدى, دەپ حابارلايدى "ۇلت اقپارات" Otyrar.kz سايتىنا سٸلتەمە جاساپ.
«الماتى-سارىاعاش» باعىتىمەن كەلە جاتقان «Yutong» ماركالى جولاۋشىلار اۆتوبۋسىنىڭ جٷرگٸزۋشٸسٸ كٶلٸكتٸ باسقارا الماي, جولدىڭ جيەگٸنە شىعىپ, جانىمەن قۇلاعان. اۆتوبۋس سالونىندا 34 ادام, سونىڭ ٸشٸندە جەتٸ بالا بولعان.
كٶلٸك جانارمايى تٶگٸلگەن جوق. جول-كٶلٸك اپاتى سالدارىنان, ساعات 07:35-تەگٸ جاعداي بويىنشا, سايرام اۋدانىنىڭ ورتالىق اۋداندىق اۋرۋحاناسىنا 17 ادام جەتكٸزٸلدٸ, سونىڭ ٸشٸندە 6 ادام اۋرۋحاناعا جاتقىزىلدى, سونىڭ ٸشٸندە ەكەۋٸ – اۋىر جاعدايدا, اراسىندا بالالار جوق. قالعاندارى تەكسەرٸلگەن سوڭ ٷيلەرٸنە جٸبەرٸلدٸ. قازا تاپقاندار جوق.
وقيعا ورنىنا تجد, پوليتسييا جەنە جەدەل مەديتسينالىق جەردەم بريگاداسىنىڭ قىزمەتكەرلەرٸ باردى.
