Túrkistan oblysynda jol erejesin buzǵandarǵa 4 mlrd teńge aiyppul salyndy, dep habarlaidy "Ult aqparat".
Baspasóz qyzmetiniń málimetterine qaraǵanda, oblys kóleminde bolǵan jol - kólik oqiǵalarynyń sany byltyrǵy jylmen salystyrǵanda 14,8 %-ǵa, qaza bolǵandardyń sany - 5,4 %-ǵa, jaraqat alǵandardyń sany - 23,1 paiyzǵa tómendedi. Onyń ishinde respýblikalyq mańyzy bar tas joldarda bolǵan apat sany 16 %-ǵa azaiǵan.
Bul másele oblys ákimi Ómirzaq Shókeevtiń tóraǵalyǵymen ótken Túrkistan oblysy ákimdigi janyndaǵy quqyq buzýshylyq profilaktikasy jónindegi vedomstvoaralyq komissiiasy májilisinde qaraldy.
Jyl basynan beri oblys joldarynda arnaiy avtomatty quraldarmen 265 myńǵa jýyq quqyqbuzýshylyq anyqtalǵan. Olar boiynsha 4 mlrd. teńgegege jýyq qarajatqa uiǵarymdar shyǵarylyp, jartysynan astamy óndirilgen.
Politsiia jol-kólik oqiǵalarynyń negizgi sebepterin aiqyndady.
Atap aitar bolsaq, jyldamdyqty arttyrý, manevr jasaý, sonymen qatar, oblystaǵy jol sapasynyń jaqsarǵandyǵynan júrgizýshilerdiń basym bóligi jyldamdyqty shekten tys asyryp, qiylystar men burylystarda apatqa ushyraýda. Sondai-aq úi janýarlarynyń tosynnan jolǵa shyǵýynan bolǵan apat sany artqan. Sondyqtan ishki ister organdary jol boiynda qaraýsyz júrgen úi janýarlarynyń ielerin ákimshilik jaýapqa tartý máselesin kóterdi.
