Foto: Tengrinews.kz
Túrkistan oblysy Sybailas jemqorlyqqa qarsy qyzmeti Saýran aýdandyq politsiia bólimi bastyǵynyń burynǵy orynbasary - politsiia polkovnigine qatysty sotaldy tergeýdi bastady, - dep habarlaidy "Ult aqparat" Antikordyń baspasóz qyzmetine silteme jasap.
"Ol politsiia bóliminde alaiaqtyq deregi boiynsha tergelip jatqan tulǵalardy qylmystyq jaýaptylyqqa tartýǵa jáne is boiynsha zalaldy óteýge járdemdesý úshin alaiaqtyq jolmen 1 million teńge mólsherinde aqsha aldy degen kúdikke ilindi", - delingen vedomstvo habarlamasynda.
Kinásin tolyq moiyndaýyna jáne keltirilgen zalaldy óteýine bailanysty tergeý soty sanktsiiasymen laýazymdy tulǵaǵa "úiqamaq" bultartpaý sharasy taǵaiyndalǵan.
Sotaldy tergeý jalǵasyp jatyr. Ózge aqparat tergeý múddesine sai jariia etýge jatpaidy.
