Foto: Polisia.kz
Túrkistan oblysynda joǵalyp ketken kúieýin óltirdi degen kúdikpen áiel ustaldy, - dep habarlaidy "Ult aqparat" IIM baspasóz qyzmetine silteme jasap.
12 tamyzda Túrkistan oblysy Saryaǵash aýdanynyń politsiiasyna jergilikti turǵynnan eki kún buryn 38 jastaǵy inisi joǵalyp ketkeni týraly habarlama kelip túsken.
"Aýdandyq politsiia bóliminiń barlyq jeke quramy joǵalǵan turǵyndy izdeýge jumyldyryldy.
Jedel-izdestirý sharalaryn júrgizgen politseiler otbasylyq janjaldan keiin kúieýin óltirdi degen kúdikpen aýdannyń turǵynyn anyqtap, ustady. Zattai dáleldemeler tárkilendi.
Kúdikti áiel ýaqytsha ustaý izoliatoryna qamaldy" - delingen habarlamada.
Qaiǵyly jaǵdai oryn alǵan otbasy ishki ister organdarynda esepte turmaǵan jáne otbasylyq janjal boiynsha buryn politsiiaǵa júginbegen.
Qazirgi ýaqytta QR QK-niń 99-baby 2-bóligimen "Kisi óltirý" sotqa deiingi tergeý amaldary júrgizilip, bolǵan oqiǵanyń tolyq mán-jaiy anyqtalyp jatyr.
