Túrkistan oblysy politseileri buzaqylyq jasaǵan kúdiktini ustady, dep habarlaidy oblystyq Politsiia departamentiniń baspasóz qyzmeti.
Baspasóz málimetterine qaraǵanda, 24 shilde kúni túnde Tólebi aýdandyq politsiia bólimine aýdandyq aýrýhanadan oq tiip jaralanǵan er adamnyń jetkizilgendigi týraly habarlama kelip túsedi.
Politseilerdiń anyqtaýynsha, qala kósheleriniń birinde eki kólik qarama-qarsy kelip, bir-biriniń jol júrisine kedergi jasap, iaǵni 2 júrgizýshi joldy bólise almai, sózge kelip qalǵan. Sonyń saldarynan júrgizýshiniń biri jábirlenýshini travmatikalyq qarýmen atyp, oqiǵa ornynan boi tasalaǵan.
Atalǵan jait sotqa deiingi tergep-tekserýdiń biryńǵai tizilimine engizilip, QR QK-niń 293-baby «Buzaqylyq» boiynsha tirkeldi. Qylmystyq isti ashý maqsatynda Tólebi APB-niń politseileri buzaqylyq jasaǵan kúdiktini ustaý úshin qajetti degen barlyq is-sharalardy jedel iske asyrdy.
Jedel-izdestirý sharalarynyń nátijesinde politseiler kúdikti retinde Leńgir qalasynyń turǵynyn ustady. Politseiler kúdiktiden aiǵaq zat retinde travmatikalyq tapansha taýyp, tárkiledi. Kúdikti qazir qamaýda. Osy kezde qarý qoldaný arqyly «buzaqylyq» jasaý áreketi boiynsha sotqa deiingi tergep-tekserý amaldary júrgizilýde.
