video kadry
Túrkistan oblysynda jol apatynan 4 adam qaza tapty, dep habarlaidy "Ult aqparat" IIM baspasóz qyzmetine silteme jasap.
Vedomstvo málimetinshe, 18 tamyz túngi saǵat 23:30 shamasynda Báidibek aýdandyq PB-niń 102 arnasyna jol-kólik oqiǵasy bolǵandyǵy týraly habarlama kelip túsken.
"Oblystyq mańyzy bar Shaian-Ekpindi tas joly boiynda Nissan kóligi qarama qarsy jol bóligine shyǵyp ketip, óz jolymen kele jatqan Mercedes-Benz 200 avtokóligine soqtyǵysqany anyqtaldy.
Mercedes órtenip, ishinde bolǵan úsh jolaýshy men júrgizýshi oqiǵa ornynda qaza tapty. Aldyn ala málimetter boiynsha, Nissan avtokóligi qarsy baǵytqa shyǵyp ketken.
QR QK 345-baby 4-bóligimen boiynsha SDTBT-ǵa tirkeldi. Tiisti sot-saraptamalary taǵaiyndaldy. Kináli júrgizýshi ÝUA qamaýǵa alyndy" - delingen habarlamada.
