«Qysqa jáne orta merzimdi óndiris kólemin odan ári arttyrý úshin birqatar is-shara josparlanǵan. Atap aitsaq, keler jyly Shymkent zaýytynda munaidy qaita óndirý kólemin 800 myń tonnaǵa ulǵaitý josparlanýda. Sonymen qatar 2025 jylǵa deiin Pavlodar munai óńdeý zaýytynyń gidrotazartý qondyrǵysy qaita jóndeýden ótedi. Bul óndiris kólemin 6 mln tonnaǵa deiin arttyrýmen qatar, qysqy dizel otynyn jylyna 160 myń tonna kóleminde óndirýge múmkindik beredi. Sol siiaqty Aqtaý bitým zaýytynyń jumysyn qaita jańǵyrtý arqyly óndiris qýatyn jylyna 400 myń tonnadan 450 myń tonnaǵa deiin ulǵaitý jospary tur», - dedi M. Myrzaǵaliev.

Sondai-aq, ministr búginde Túrkistan oblysynda jańa munai óńdeý zaýyty jobasynyń qolǵa alynǵanyn aitty.

«Búginde jeke investorlar Túrkistan oblysynda munai óńdeý zaýytyn salý jobasyn iske asyryp jatyr. Onyń qurylysyn 2023 jyly aiaqtaý josparlanyp otyr. Qýaty 2 mln tonnany quraityn atalǵan munai óńdeý jobasyn «Standart Retroleum & So» kompaniiasy júrgizýde. Odan bólek, «Standart Resýrsiz» kompaniiasy kómirden sintetikalyq munai shyǵarý jáne munai ónimderin alý jobasyn júzege asyrýda», - deidi ol.

Buǵan deiin vedomstvo basshysy elimizde dizel otyny tapshylyǵy máselesi óz sheshimin tapqanyn aitty.

Odan bólek, Maǵzum Myrzaǵaliev 2030 jylǵa qarai elimizde munai óndirý kólemi 104,2 mln tonnaǵa deiin jetetini týraly málimdedi.