«قىسقا جەنە ورتا مەرزٸمدٸ ٶندٸرٸس كٶلەمٸن ودان ەرٸ ارتتىرۋ ٷشٸن بٸرقاتار ٸس-شارا جوسپارلانعان. اتاپ ايتساق, كەلەر جىلى شىمكەنت زاۋىتىندا مۇنايدى قايتا ٶندٸرۋ كٶلەمٸن 800 مىڭ تونناعا ۇلعايتۋ جوسپارلانۋدا. سونىمەن قاتار 2025 جىلعا دەيٸن پاۆلودار مۇناي ٶڭدەۋ زاۋىتىنىڭ گيدروتازارتۋ قوندىرعىسى قايتا جٶندەۋدەن ٶتەدٸ. بۇل ٶندٸرٸس كٶلەمٸن 6 ملن تونناعا دەيٸن ارتتىرۋمەن قاتار, قىسقى ديزەل وتىنىن جىلىنا 160 مىڭ توننا كٶلەمٸندە ٶندٸرۋگە مٷمكٸندٸك بەرەدٸ. سول سيياقتى اقتاۋ بيتۋم زاۋىتىنىڭ جۇمىسىن قايتا جاڭعىرتۋ ارقىلى ٶندٸرٸس قۋاتىن جىلىنا 400 مىڭ توننادان 450 مىڭ تونناعا دەيٸن ۇلعايتۋ جوسپارى تۇر», - دەدٸ م. مىرزاعاليەۆ.

سونداي-اق, مينيستر بٷگٸندە تٷركٸستان وبلىسىندا جاڭا مۇناي ٶڭدەۋ زاۋىتى جوباسىنىڭ قولعا الىنعانىن ايتتى.

«بٷگٸندە جەكە ينۆەستورلار تٷركٸستان وبلىسىندا مۇناي ٶڭدەۋ زاۋىتىن سالۋ جوباسىن ٸسكە اسىرىپ جاتىر. ونىڭ قۇرىلىسىن 2023 جىلى اياقتاۋ جوسپارلانىپ وتىر. قۋاتى 2 ملن توننانى قۇرايتىن اتالعان مۇناي ٶڭدەۋ جوباسىن «Standart رetroleum & سو» كومپانيياسى جٷرگٸزۋدە. ودان بٶلەك, «ستاندارت رەسۋرسيز» كومپانيياسى كٶمٸردەن سينتەتيكالىق مۇناي شىعارۋ جەنە مۇناي ٶنٸمدەرٸن الۋ جوباسىن جٷزەگە اسىرۋدا», - دەيدٸ ول.

بۇعان دەيٸن ۆەدومستۆو باسشىسى ەلٸمٸزدە ديزەل وتىنى تاپشىلىعى مەسەلەسٸ ٶز شەشٸمٸن تاپقانىن ايتتى.

ودان بٶلەك, ماعزۇم مىرزاعاليەۆ 2030 جىلعا قاراي ەلٸمٸزدە مۇناي ٶندٸرۋ كٶلەمٸ 104,2 ملن تونناعا دەيٸن جەتەتٸنٸ تۋرالى مەلٸمدەدٸ.