Túrkistan oblysynyń politseileri jalǵan vaktsina qujatyn jasady degen kúdikpen 2 aýrýhana qyzmetkerin anyqtady, dep habarlaidy QazAqparat Túrkistan oblysynyń Politsiia departamentiń baspasóz qyzmetine silteme jasap.
Qazyǵurt aýdany politsiia bólimi kezekshisine belgisiz azamattan shuǵyl habar kelip túsken. Onda Qazyǵurt aýdanynda 3 birdei turǵynnyń vaktsinanyń jalǵan qujatyn jasatqandyqtary aitylǵan.
Habar jete salyp, politsiia qyzmetkerleri jan-jaqty tekserý jumystaryn júrgizdi. Tártip saqshylarynyń tarapynan júrgizilgen jedel-izdestirý is-sharalarynyń barysynda qyzmet múmkindigin negizsiz paidalaný arqyly tólqujattardy qoldan jasaýmen jáne ótkizýmen ainalysqan degen kúdikpen Qazyǵurt aýdandyq aýrýhanasynyń 2 qyzmetkeri anyqtaldy.
Qazirgi tańda atalǵan jait QK 385-baby, iaǵni «Jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daiyndaý nemese ótkizý» qylmystyq quqyq buzýshylyǵy boiynsha sotqa deiingi tergeý amaldary júrgizilýde.
Aýdan politseileriniń anyqtaýy boiynsha meditsina qyzmetkerleri 3 turǵynǵa jalǵan qujat jasaǵan. Qazirgi tańda oqiǵanyń tolyq mán-jaiy anyqtalýda.
Óz kezeginde Túrkistan oblysynyń politsiia qyzmetkerleri azamattarǵa zańǵa qaishy keletin áreketter úshin zańmen qylmystyq jaýapkershilik qarastyrylǵanyn eske salady.
